![](/documents/20124/549756/Palacio+de+Balsera.jpg/e2e2b355-cc9f-8c8c-0c25-22954c0e8014?t=1633515152500&download=true)
Cascu Históricu
Les cais y edificios del cascu antiguu d'Avilés (que xunto col d'Uviéu son los más importantes d'Asturies) tán declaraos Conxuntu Históricu Artísticu pol Estáu español. La ciudá conserva munchos restos del pasáu, dalgún d'ellos mui importantes. Na Edá Media recibió, nel sieglu XI, del Rei Alfonso VI, un fueru que-y dio munchos beneficios sociales y económicos. La Villa fortificóse y entamó a desenvolver muncha actividá comercial, convirtiéndose asina na segunda población d'Asturies. Tamién contribuyó a ello, el sitiu onde ta allugada, nun puertu bien resguardáu y ún de los mas activos del área atlántica de la época. Los sos productos llegaben hasta los mercaos de la meseta castellana. Nel sieglu XVII, el crecimientu demográficu fai que seya necesario construyir fuera de la ciudadela medieval. El primer edificiu un palaciu municipal, y poco dempués los de Ferrera y Llano Ponte: too esto dio orixen a la plaza España (El Parche, pa los avilesinos y avilesines) y al nacimientu de les cais de Rivero y Galiana. Esto ye lo que se conoz como'l "ensache barrocu". |
Puede facer una visita virtual al Cascu Históricu d'Avilés nesti enllaz:
Próximos Eventos
![](/documents/20124/459326/1724037157394_Art-Poster-Warhol-Los-Angeles-2022.jpg)
![](/documents/20124/459326/1724037162747_GEAS-MUJERES-QUE-ESTUDIAN-LA-TIERRA-.jpg)
![](/documents/20124/459326/1724037168047_Por-tu-salud-camina-julio-2020-scaled.jpg)
![](/documents/20124/459326/1724037173196_expo-mitologia-astur-scaled.jpg)