Deportes
Avilés va acoyer los díes 23 y 24 de xunetu'l Campeonatu d'España d'Atletismu sub 16
07 jun. 2022
Esi fin de selmana van facese les pruebes lo mesmo del XXI Campeonatu d'España Individual sub 16, como del Campeonatu d'España de Clubes sub 16 relevu 4x100. La Federación Española d'Atletismu llegó a un alcuerdu l'añu pasáu cola ciudá pal que sedrá'l so docenu nacional oficial nes diferentes modalidaes y categoríes, incluidos tres absolutos. Sedrá la primer gran competición que se va facer nel estadiu Yago Lamela tres el cambiu total de la superficie sintética, na que s'invirtieron casi 600.000 euros

Avilés va facer los díes 23 y 24 de xunetu, nel Estadiu d'Atletismu Yago Lamela, el Campeonatu d'España d'Atletismu sub16 al aire. El fin de selmana habrá pruebes del XXI Campeonatu d'España Individual sub 16, como del Campeonatu d'España de Clubes sub 16 relevu 4 x 100.  

A lo primero taba previsto que fuere pa los díes 9 y 10 de xunetu, pero al final va ser los díes 23 y 24 d'esi mes, por un reaxuste del calendariu de pruebes de la Federación Española d'Atletismu. 

Con motivu d'esti campeonatu, la ciudá va volver a confirmar el so bon facer y capacidá na organización d'eventos deportivos del más altu nivel, polo que la Federación española d'Atletismu-y lo concedió, eventu que va aconceyar muncha mocedá deportista. 

Concretamente, habrá estes pruebes: 

XXI Campeonatu d'España Individual sub 16

Masculín

  • 5.000m Marcha en pista
  • Octatlón
  • Martillu (4kg)
  • Discu (1kg)
  • Pesu (4kg)
  • Xabalina (600g)
  • Triple Saltu
  • Lonxitú
  • Pértiga
  • Altura
  • 300m valles (0,84)
  • 100m valles (0,91)
  • 3.000m
  • 1.500m Obst.
  • 1.000m
  • 600m
  • 300m
  • 100m

Femenín

  • 3.000m Marcha en pista
  • Hexatlón Sub16
  • Xabalina (500g)
  • Martillu (3kg)
  • Discu (800g)
  • Pesu (3kg)
  • Triple Saltu
  • Lonxitú
  • Pértiga
  • Altura
  • 300m valles (0,762)
  • 100m valles (0,762) Sub18/Sub16
  • 3.000m
  • 1.500m Obst.
  • 1.000m
  • 600m
  • 300m
  • 100m

Campeonatu d'España de Clubes sub 16 relevu 4x100

  • 4x100 m Relevu Masculín
  • 4x100 m Relevu Femenín

Con esta cita sedrán 12 los Nacionales d'Aletismu disputaos na ciudá nes diferentes modalidaes y categoríes, destacando los Absolutos de 1948 y 1952 nes pistes vieyes de ceniza del Suárez Puerta, y el más reciente, en 2010, nel estadiu d'agora, nel que se punxo incluso una grada supletoria. 

Sedrá la primer competición grande que se faiga nel recintu d'El Quirinal dempués del cambiu de la superficie sintética de rodadura, unes obres nes que'l Conceyu d'Avilés invirtió 590.825,66 euros y qu'executó la empresa Mondo Ibérica. 

En terminando la obra'l pasáu mes d'abril, la Federación Española d'Atletismu dio-y la homologación como pista de primera clase. 

Esta homologación asegura que los amteriales que s'usaron na pista tienen los certificaos necesarios según la Normativa WA (World Athletics) polo que la Real Federación Española d'Atletismu-y da'l reconocimientu como pista de Clase I WA. La Real Federación Española d'Atletismu ye miembru de WA. Esta homologación fai qu'estes instalaciones puedan ser sede de tou tipu puebes atlétiques, lo mesmo nacionales qu'internacionales.  

Ente los aspeutos que certifica esta homologación ta'l fechu de que la pista tenga 8 cais, tenga círculos pal discu y el martillu, midíes de seguridá, zones pa concursos, instalaciones fixes pa vidiu-finish, canaletes pa cables y otros servicios  como facilidaes pa cámara de llamaes, zones de calentamientu, sales pa comprobar el dopaxe, sales pa secretaría, informática, medios de comunición interna o grades pa un mínimu de 3.000 espectadores. 

  • Deportes

También te puede interesar...