La conceyalía de Promoción Social convocó les ayudes direutes pa families o unidaes de convivencia con fíos y fíes menores al so cargu. Tienen calter d'ayuda d'emerxencia social y van concedese a aquelles unidaes familiares que nun puedan faer frente a los gastos normales de tolos díes como: comida, ropa, suministros xenerales de la casa y material escolar.
Pa poder pidir estes ayudes tien d'haber una convivencia de verdá y padres y madres tienen de tener la patria potestá. Coles mesmes, tendrá de confirmase que la unidá familiar ta nuna situación de privación material severa, atendiendo al indicador propuestu pola Xunión Europea, AROPE (Estratexa Europea 2020) de riesgu de probeza o refugu social, que combina trés conceutos: el riesgu de probeza, la falta material y la baxa intensidá nel empléu.
L'importe total de les ayudes ye como muncho de 294.050 € .Va dase una ayuda única de 700 euros como muncho a 420 unidaes familiares que la soliciten y cumplan los requisitos que se plantegaron na convocatoria.
Nel casu de que'l númberu d'unidaes familiares solicitantes que cumplan los requisitos pa poder beneficiase d'esta ayuda seya, más de 420, va establecese un orde de preferencia dando prioridá a la unidá económica de convivencia que tenga menos ingresos.
Si se tienen los mesmos ingresos, van priorizase les unidaes familiares con más númberu de menores al cargu. En casu l'empate siga atenderase l'orde de presentación de la instancia.
Requisitos
Les persones que presenten les solicitúes tendrán de cumplir estos requisitos:
Tener más de 18 años o menos, pero viviendo fuera de casa yá con fíos o fíes menores a cargu (incluyíos acoyimientos)
Empadronamientu n'Avilés mínimu seis meses anteriores a la solicitú (sacante: persones refuxaes, retornaes, víctimes de violencia de xéneru y families con espediente de proteición activu)
Recursos económicos familiares que nun superen el baremu (nun se cuenten les ayudes que reciban pa menores, nin les d'emerxencia social, nin l'ayuda a la dependencia)
Nu de miembros de la unidá familiar
Ingresos mensuales máximos
Pa 2 miembros 617,43 euros
Pa 3 miembros 691,84 euros
Pa 4 miembros 766,25 euros
Pa 5 miembros 798,82 euros
Pa 6 ó más miembros 817,42 euros
Si la persona tuviere cobrando yá'l Salariu Social Básicu y l'Ingresu Mínimu Vital sólo se van contabilizar los ingresos del Ingresu Mínimu Vital.
Documentación a presentar
Formulariu de solicitú según modelu normalizáu. Tien de cuntar cola firma de tolos y toles mayores de 18 años y col teléfonu/teléfonos de la persona solicitante actualizáu/s
Ficheru d'acreedores según modelu normalizáu. Tien de tar robláu pola persona que pide l'ayuda, con sellu y firma de la entidá bancaria)
DNI, NIF o pasaportes y permisos de residencia del solicitante y de los miembros de la unidá familiar (namái hai de presentalu pa comprobar que'l DNI nun tea caducáu)
Fotocopia del llibru de familia o, nel so defectu, documentu acreditativu de guardar, custodia o tutela
En casu de separación o divorciu, fotocopia sentencia y conveniu regulador
Certificación actual d'ingresos y/o certificación negativa de tola unidá familiar. Nun va ser necesario presentalo si dan consentimientu y roblen autorización pa poder consultar los datos d'otres alministraciones
Nómina del mes anterior (agostu)
Informe de vida llaboral actualizáu
¿De qué formes se puede presentar?
El Centru d'Empléu Europa (avenida d'Uviéu, 9) afayóse como sitiu de presentación y rexistru de solicitúes (de
Al empar de lo previsto na nomada llei, les persones solicitantes nun van tar obligaes a apurrir documentos que yá tengan les alministraciones públiques, que fixeren éstes o que yá los diere n'otru momentu'l propiu interesáu o interesada, entendiéndose yá de primeres que si se pueden consultar o tener ye porque ta autorizao dende enantes pola persona interesada, sacantes que se tenga la so oposición espresa.
- Personas y Bienestar