Ayuda
L'últimu ciclu de Factoría Sound en 2022 entama col recital d'ún de los talentos que tán xurdiendo dientro'l country, y el so estilu descarnáu: Sarah Shook xunto cola so banda, The Disarmers. Sedrá'l primeru de los cuatro conciertos qu'habrá hasta'l mes de payares, na sala escénica de la Factoría Cultural, esti vienres, 9 de setiembre, a les 21.00 hores.
Una propuesta nueva del más altu nivel nacional y internacional qu'amás de Sarah Shook, va tener otros dos recitales con artistes estadounidenses, Ward Hayden & The Outliners y Jesper Lindell, y un terceru protagonizáu polos bretones de Komodor. Un cartel qu'afita a Factoría Sound y a Avilés como referentes de la meyor música del norte d'España.
Les entraes véndese nes canales normales, a 10 euros si se compren enantes y a 12 euros el día del conciertu. L'abonu pa los cuatro conciertos cuesta 30 euros. Pueden mercase tamién en https://uniticket.janto.es/palaciovaldes y na taquilla de la Casa la Cultura.
Calendariu Factoría Sound
- 9 de setiembre, 21.00 hores. Sarah Shook & The Disarmers.
- 7 d'ochobre, 21.00 hores. Ward Hayden & The Outliners
- 28 d'ochobre, 21.00 hores. Komodor
- 19 de payares, 21.00 hores. Jesper Lindell
- Cultura