Contacto

XLII Feria de Cerámica y XXXIV Premiu Vila d'Avilés de Cerámica

Celébrase otru añu más la tradicional Feria de Cerámica qu'algama la so edición númberu 42  y tamién la edición 34 del Premiu Villa d'Avilés.

Sedrá na Plaza Álvarez Acebal los díes  26, 27 y 28 d'agostu de 2022, de 11:00 a 15:00 y de 17:00h a 21:00 h.

La XLII Feria de Cerámica que se va facer na plaza Álvares Acebal, va tener una esposición coleutiva formada por una pieza de cada espositor que se va montar na sala d'esposiciones de la Casa la Cultura, y que podrá visitase el día 26 , de 16:00 a 20:00 h y el día 27 de 09:00 a les 13:00 h, participando con estes obres nel concursu Villa d'Avilés de Cerámica. 

La pieza ganadora va mercala la organización y tendrá una dotación de 700,00 € (impuestos incluyíos), amás tendrá la posibilidá d'una esposición nel añu 2023, na Galería Amaga. 

Nesta edición van participar, 16 ceramistes destacando que 6  d'ellos pasaron pela Escuela Municipal de Cerámica d'Avilés a los que se xunten 4 ceramistes de fuera d'Asturies, una de Portugal, dos de Valencia y ún de Lleón. 

La galería Amaga espón la obra ganadora del XXXII Premiu Villa d'Avilés de Cerámica dende'l vienres 12 d'agostu hasta'l 15 de setiembre de 2022, que por culpa la pandemia lleva un añu de retrasu. La esposición d'agora Al-zulaich ye de Tania Blanco y pal añu que vien el certamen pondráse al día cola esposición de Noemí Iglesias Barrios, ganandora na edición XXXIII.