![](/documents/20124/638615/Arias_de_la_Noceda_resized.jpg/510b270a-322e-e139-e48d-6cf7fbfdcfde?t=1631705788273)
Casa d'Arias de la Noceda
Na cai Galiana non sólo destaquen los soportales, tamién hai edificios importantes qu'ayuden, tovía más, a facela destacar. La del indianu Arias de la Noceda, ye ún d'ellos. Avilés tamién taba afectada pola xente qu'emigra (finales del XIX y varies décades del XX) pa buscar trabayu fuera y nel casu de la xente d'Avilés sobre too pa Cuba. El puertu foi testigu d'ello. Dalgunes persones, eso sí les menos, ganaron dineru. Y al volver fueron mui importantes pal progresu de la ciudá al entamar el sieglu XX, lo que supón lo que se noma "ensanche burgués".
Lo que diferencia a la cai Galiana ye la zona de soportales, pero tamién hai de destacar na parte izquierda según se xube, edificios importantes de fechura diferente. Ta claro qu'esta doi una zona residencial, dende hai más d'un sieglu, estremada dafechu de la xente con menos perres que vivía pal otru llau de la cai.
L'edificiu más llamativu ye'l de los Arias de la Noceda, construyíu en 1883. Trátase d'una casa d'indianu, cola so especie d'árbol inconfundible al llau d'ella: la palmera. La fachada principal tien un cuerpu central y dos llaterales y nella destaquen elementos metálicos mui rococós, como la marquesina, de fierro y cristal, de la entrada principal. Tamién son significatives les fachades llaterales y, sobre too la parte d'atrás coles galeríes que da a la zona axardinada de la casa, que ta pegando col parque Ferrera.
Per dientro destaca una escalera mui guapa que sirve pa xubir al primer pisu y la cúpula. Agora ye sede de los Servicios Sociales y Consumu del Conceyu d'Avilés.
-
Fiestas y Festejos
-
Igualdad
-
Fiestas y Festejos
-
Fiestas y Festejos