![](/documents/20124/639489/logo-color_resized.jpg/43b3740a-4c8e-470a-fad6-dd32ba1102a7?t=1625049950403)
Avilés Ciudá Prestosa pa les Persones Mayores
Una ciudá prestosa pa les persones mayores procura que la xente mayor seya activo, cuida de la so salú, afaya la so participación y da seguridá pa que la calidá de les persones según vayan pasando los años seya meyor, iguando y diseñando les estructures y servicios pa que seyan afayadizos y inclusivos pa coles diferentes necesidaes y capacidaes. Por exemplu, los barrios tienen de ser seguros, los edificios ensin barreres y les cais ensin torgues pa movese per elles.
El Proyeutu Ciudaes Amigables coles Persones Mayores ta dientro la estratexa de la OMS pa la década (2021-2030) na que se va puxar porque se pueda dir pa mayores de forma sana, dientro'l marcu de l'Axenda 2030 y los Oxetivos de Desarrollu Sostenible. N'España, el proyeutu coordínalu l'Imserso y anguaño tien más de 200 conceyos xuníos a él. Compartir esperiencies puestes en marcha n'otres ciudaes va dexar diseñar y crear sitios prestosos na ciudá.
Avilés ye una ciudá con una población de 77.771 persones (añu 2020) y más d'una cuarta parte d'eses persones tien más de 65 años. Esti grupu ye ún de los más grandes na nuestra sociedá y que más cambió nos últimos años. Al crecer la esperanza de vida, les xeneraciones de persones adultes cada vez van teniendo más salú y persones mui mayores son actives, participatives y formaes.
La OMS tien plantegaos unos pasos como metodoloxía pa tar dientro d'esta rede y pa siguilos, el Conceyu tien de meter avilesinos y avilesines con mas de 60 años y grupos rellacionaos direutamente cola atención a persones mayores pa formar los llamaos Grupos Focales. El gobiernu municipal va tener en cuenta les opiniones y suxerencies que salgan d'estos grupos aprobando un plan d'aición pa implantálu na ciudá.
Apúntate rellenando esti formulariu
-
Personas y Bienestar
-
Personas y Bienestar
-
Tu Ayuntamiento