![](/documents/20124/549777/Plaza+del+Carbayo+Turismo+F01_resized.jpg/e10dfd38-376c-a0e5-811c-35017a9be9e7?t=1625821377819)
Primer Día de la Visita
La meyor forma de conocer la ciudá ye visitando'l Cascu Históricu, declaráu Conxuntu Históricu-Artísticu en 1955, y que, xunto col d'Uviéu son los más importantes y meyor conservaos del Principáu d'Asturies. Pasear peles sos cais ye facer un percorríu pela historia dende la Edá Media.
Vamos atopanos edificios, palacios y places que presten muncho y que comparten un elementu común: el soportal. Equí mesmo, nel Cascu Históricu, y y na cai más antigua de la ciudá llamada La Ferrería atopamos el Muséu de la Historia Urbana, un sitiu imprescindible pa entender el desarrollu de la "Villa del Adelantáu".
Darréu, vamos averanos hasta a Plaza'l Mercáu, Plaza de Les Aceñes o Plaza de los Hermanos Orbón, sitiu nel que tolos llunes hai un mercáu dende'l sieglu XV, cuando los Reis Católicos-y concedieron a la villa d'Avilés el privilexu de facer un mercáu francu, pa que se pudiera recuperar d'un incendiu trmendu que llevó per delantre la ciudá en 1478. La plaza tamién soportalada, tien en mediu un elementu fixu, onde ta'l mercáu, y alredor d'ello y tamién nel vecín Barriu de Sabugo vamos atopar dellos sitios onde disfrutar del vermú y del picotéu pa reponer fuerces.
Pela tarde podremos percorrer les cais más comerciales de la ciudá, onde conviven les tiendes de tola vida colos comercios más nuevos, tiendes de ropa, xoyeríes, tiendes de decoración...un regalu de verdá pa los güeyos nun "centru comercial abiertu".
Pa rematar esti primer día n'Avilés sedría estupendo poder dir a dalguna de toles actividaes que se faen nel Teatru Palacio Valdés o nel Centru Niemeyer.
-
Personas y Bienestar
-
Mantenimiento y Via Publica
-
Fiestas y Festejos
-
Medioambiente, Movilidad y Transporte