Muséu de la Historia Urbana d'Avilés
Nel centru del cascu históricu avilesín, onde hai mil años xurdió la primer villa cantábrica, llevántase'l Muséu de la Historia Urbana d'Avilés.
Ta na cai de La Ferrería , enfrente la ilesia de San Antonio de Padua, que foi munchos sieglos la primer ilesia parroquial de la villa, anguño templu conventual de los Padres Franciscanos y tamién frente al Centru Cultural Internacional Oscar Niemeyer, últimu emblema de la llarga historia d'Avilés.
El MHUA plantéga-y al o a la visitante un percorríu orixinal. La visita entama pela guardilla con un discursu históricu que resume la historia d'Avilés, un pasáu bayurosu que se xunta col presente per aciu d'un ventanal qu'ofrez al o a la visitante la posibilidá de ver la única obra creada n'España pol gran arquiteutu Oscar Niemeyer .
Nel segundu pisu, siguendo col percorríu, atopamos la bayura de la villa medieval que tien un fueru que-y da Alfonso VI en 1085 y qu'afita'l so nietu, Alfonso VII, setenta años dempués y que desendolcó una actividá urbana y comercial mui intensa, convirtiendo al puertu avilesín nel puertu d'Uviéu y Lleón.
Los palacios imponentes del Avilés modernu y los personaxes ilustres con renome como Pedro Menéndez, Juan Carreño de Miranda, Menéndez Camina... completen el conteníu d'esti espaciu.
El percorríu termina na primer planta onde s'asoleya la bayura de finales del sieglu XIX que se vivía n'Avilés col "viaxe d'ida y vuelta" pa Cuba, d'onde xurdieron los "indianos", primeros mecenes de la villa. Yá nel sieglu XX, cola llegada d'ENSIDESA revoluciónase non sólo Avilés, sinón tamién Asturies entera.
Tola coleición diplomática espectacular del archivu del Conceyu, la vida social, el trabayu, la casa, les primeres actividaes industriales como la cerámica y la claderería de Miranda, la emigración pa Cuba, el mundu cultural avilesinu o la llegada d'aquellos inmigrantes que veníen d'otros sitios d'España pa contruyir y trabayar n'ENSIDESA, van dándo-y forma al discursu de los diferentes capítulos La villa medieval, La villa moderna, La ciudá burguesa, La ciudá industrial, capítulos nos que se distribuye'l Muséu de la Historia Urbana d'Avilés.
Un muséu que tien elementos iteractivos mui modernos pa que les persones que lu visiten puedan afondar na conocencia d'esi pasáu bayurosu; elementos colos que se pretende que les persones de casa y les foriates descubran y que-yos preste muncho Avilés, una villa con cadarma urbana y un patrimoniu arquiteutónicu monumental que yá de por sí ye un muséu.
Visites guiaes pa grupos amañándola enantes.
Entrada de baldre
Martes a vienres: 10:30 a 13:30h / 16:00 a 20:00h
Sábados: 11:00 a 13:30h / 16:00 a 20:00h
Domingos y festivos: 11:00 a 13:30h
Llunes pesllao
Teléfonu: 985 565 512
Corréu Electrónicu: museodeaviles@aviles.es
https://www.facebook.com/Muséu-d'Historia-Urbana-d'Avilés
Muséu de la Historia Urbana d'Avilés (MHUA)
Cai La Ferrería, 35
33402 Avilés
-
Fiestas y Festejos
-
Medioambiente, Movilidad y Transporte
-
Fiestas y Festejos
-
Fiestas y Festejos