![](/documents/20124/638594/Palacio+Ferrera.jpeg/c6ae1d61-f845-7a59-5a3f-c1c11bd7d766?t=1625657234689)
Palaciu Ferrera
El Palaciu del marqués de Ferrera, güei ye un hotel, y ún de los cuatro (xunto col municipal, el de Camposagrado y el de García Pumarino) que son parte de la herencia barroca tan estupenda que tien la ciudá.
El Palaciu Ferrera (asina ye como se conoz na ciudá) contruyóse ente los sieglos XVII y XVIII, nun de los requexos de la plaza España y ennobleció la salida pa Grau/Grado pela cai Galiana, tamién de la mesma época. Al construyilu equí formó un conxuntu arquiteutónicu cola ilesia de San Nicolás de Bari, cuando ésta tovía yera un conventu de los Franciscanos.
Ye un edificiu mui sobriu, nel que destaca la planta irregular de la so torre. La so fachada principal da pa la plaza España con balcones adintelaos y l'escudu d'armes del marqués. La entrada principal, mui amplia, conserva tovía un empedráu bien duru per onde entraben los coches de caballos pa la mansión.
Pero lo que-y da personalidá al edificiu ye la so torre n'escuadra, una de les más orixinales de l'arquiteutura civil asturiana. Tien cuatro pisos y no alto tien una mirador con balustrada de rexería. La torre mira pa la plaza y xunta la fachada, faciendo ángulu cola la ilesia de San Nicolás de Bari. Nun de los sos llaos xurden los Caños de San Francisco.
Dientro'l palaciu hai unos salones mui guapos y hai de destacar tamién la biblioteca y un espaciu rectangular considerable al que da una fachada perguapa con galeríes dientro'l mesmu edificiu que ye'l "xardín francés", espaciu que completa'l gran parque públicu de Ferrera.
-
Fiestas y Festejos
-
Fiestas y Festejos
-
Aviles Empresas