Ayuda
P'apuntase
Podrá facese a partir del martes 12 de setiembre a les 8:00 hores na web www.aviles.es/TSAvilesDeportes.
Les persones que nun seyan usuaries de la Fundación Deportiva Municipal tendrán que dase d'alta enantes d'apuntase. Pueden facelo mandando un corréu electrónicu a la direición accesoweb@aviles.es poniendo estos datos personales: nome y apellíos, DNI, fecha de nacimientu, señes, teléfonu de contactu y certificáu de titularidá bancaria de la cuenta onde se van cargar los recibos de les actividaes nes que s'apunten.
Tamién pueden facer esti trámite presencialmente, recoyendo l'impresu pa ello na cabina de control de los Complexos Deportivos Avilés, La Madalena o Los Canapés.
El rexistro de usuariu/a nun cuesta nada; en dándose d'alta daráse-y la tarxeta deportiva y el pasu como usuariu a la plataforma onde se va poder apuntar na web.
La única modalidá pa la que nun hai posibilidá d'apuntase na web son los cursos pa persones con discapacidá. Nestos casos ye necesario falar primero col Coordinador de Piscines, que va valorar cada casu d'una manera individual y que va ofrecer los horarios afayadizos.
Les actividaes páguense domiciliando los recibos nel bancu. En cubriendo les places mínimes de los cursos y actividaes prgramaes emitiráse un recibu bancariu pol importe correspondiente.
Los grupos que nun algamen un númberu mínimu d'inscripciones podrán suspendese a partir del xueves 21 de setiembre.
- Deportes