Ente los díes 6 y 10 de xunu, el Conservatoriu Municipal Profesional Julián Orbón abre les sos puertes pa que se conozan los estudios qu'hai usando los propios instrumentos que los protagonicen. Dende'l llunes 6 al xueves 9, el públicu interesáu nestos estudios de música que se dan nel centru, van poder entrar a les clases pa ver de cerca cómo son, cómo suenen y cómo se toquen estos intrumentos.
Dientro d'estes xornaes de pueres abiertes, l'alcaldesa d'Avilés, mariví Monteserín, y la conceyala de Cultura, Yolanda Alonso, van dir pasando peles clases delc entru, el amrtes día 7, dende les 17:45 hores.
Les especialidaes instrumentales que se dan n'Enseñances Elementales nel centru son estes:
- Clarinete
- Contrabaxu
- Fagot
- Xiblata travesera
- Guitarra
- Oboe
- Percusión
- Pianu
- Saxofón
- Trompeta
- Trompa
- Trombón
- Viola
- Violín
- Violonchelu
Les persones interesaes en dir a estes xornaes podrán presentase nel conservatoriu, dende'l llunes 6 hasta'l xueves 9 xunu, ente les 16:30 y les 19:30 hores. El miércoles 8 tamién van poder tar nun ensayu de la orquesta sinfónica, la banda sinfónica y el coru d'Enseñances Profesionales de la Casa la Cultura, ente les 19:30 y les 20:45 hores.
Les xornaes van terminar el día 10 de xunu cola participación del alumnáu del Concervatoriu municipal en 7 conciertos organizaos pa la Nueche Blanca, que se van facer en sitios diferentes como l'auditoriu y a la entrada'l Conservatoriu, plaza de Domingo Álvarez Acebal, Muséu de la Historia urbana d'Avilés y Factoría Cultural.
Apuntase pal cursu nuevu
El plazu p'apuntase nes Enseñances Elementales termina'l llunes 13 de xunu. Podrá facese de forma telemática, na Sede Electrónica del Conceyu (https://sedeelectronica.aviles.es) o nes oficines d'asistencia de rexistru del Conceyu d'Avilés (OAR). Puede consultase tola inforamción nel tablón de la páxina web del centru www.conservatoriojulianorbon.com y facer consultes per teléfonu llamando al 985 561 015.
El primer cursu d'Enseñances Elementales, que son dos hores a la selmana de Llinguax Musical y una hora semanal de clase individual d'instrumentu, cuesta 55 euros al mes y la matrúcla son 33 euros por cada asignatura. Pue ser más baratu según el nivel de renta y pa les families numberoses.
- Cultura