La Foguera de San Xuan y tolos ritos asociaos que se pierden nel tiempu coles celebraciones alredor del solsticiu de veranu, tan enforma enraigonaos n'Avilés y en toa Asturies. El ritual del fueu y la danza prima van volver a tener protagonismu na nueche del xueves 23 al vienres 24 na plaza Pedro Menéndez.
La zona va quedar llibre pa esta celebración popular , porque yá se quitó la fonte y terminaron les obres del parque'l Muelle.
Prender la Foguera de San xuan 2022, a les 24:00 hores del xueves, va ser lo que se faiga primero pa dempués, a les 00:20 hores del vienres entamar con una de les tradiciones más querides polos avilesinos y avilesines: la danza prima.
Nella, participantes de toles edaes xunten les sos manes y formen un corru alredor del fueu, interpretando nuna cadencia de siempre les diferentes canciones preparaes.
Esta danza prima ye la primera de les cuatro que componen el cilcu de Dances de la Villa. Dempués van siguir la de San Pedro, El Carmen y Santana
Programa Foguera de San Xuan. Plaza de Pedro Menéndez
- 00.00 hores. Préndese la foguera
- 00:20 hores. Entama la Danza Prima
- Cultura
- Fiestas y Festejos