Coincidiendo cola celebración del Día d'Internet, los telecentros del Conceyu d'Avilés punxeron ufren un serviciu nuevu que nun cuesta nada pa que usuarios y usuaries puedan encargar, mandando un corréu electrónicu, la impresión de documentos ensin tener que pidir cita, y que van poder dir a recoyer los encargos, en recibiendo la contestación correspondiente.
El funcionamientu del serviciu d'Impresión Online qu'arranca agora ye mui fácil d'usar. La persona interesada mandará un corréu electrónicu a telecentroaviles1@gmail.com cuando quiera imprimir nel Telecentru Avilés 1 (C/Marcos del Torniello); o a telecentroaviles2@gmail.com cuando quiera imprimir nel Telecentru Avilés II (Centru d'Empléu Europa). Tendrá que poner el nome y los apellíos, númberu d'usuariu/a, el día que va a pasar a buscaluy, por supuesto, apegar el documentu o documentos que quier imprimir.
El telecentru, en recibiendo l'encargu, va contestar confirmado les hores posibles. Esti serviciu sólo se puede usar pa documentos catalogaos como profesionales (currículos, trabayos académicos, formularios y documentos pa facer trámites cola alministración...) y siempre respetando que ye de baldre y que son 12 páxines por persona y día, recoyendo'l trabayu respetando les normes de funcionamientu de los Telecentros d'Avilés.
Esti serviciu nuevu xurde dende los Telecentros d'Avilés que se decaten de qu'hai munches persones que s'averen a les sales municipales sólo pa imprimir coses. Hasta agora, esto suponía pidir cita, dir hasta la sala y imprimir.
Esti serviciu nuevu entama pa que'l serviciu d'imprimir documentos vaya más rápidu, pa tener más ordenadores llibres y poder facer otros trámites dixitales, pa buscar trabayu y pa otres cuestiones d'esi tipu.
- Educación