Contacto

El Conservatoriu Municipal Julián Orbón ofrez un taller d'aniciu musical pa neños y neñes de seis y siete años. Son cursos anteriores a entrar nes enseñances reglaes de música que ye a los 8 años. Poro, sedrá requisitu indispensable que los/les alumnos/es ñacieren en 2017 o 2018.

Con una hora a la selmana de clases ente los meses d'ochobre a mayu, la matrícula cuesta 145 euros, aplicando les bonificaciones que marca  la ordenanza municipal.

El plazu p'apuntase tará abiertu dende'l 15 de xunetu hasta'l martes 10 e setiembre. Padres, madres, tutores llegales o persones que tienen la guarda y custodia del o de la menor podrán presentar la solicitú principalmente de manera telemática  na  Sede Electrónica (https://sedeelectronica.aviles.es/Convocatories). L'orden nel que se va apuntando la xente ye'l que va determinar poder participar o non nel taller.

Oxetivos :

• Fomentar el gustu pola música.
• Reconocer les cualidaes del sonidu.
• Usar la voz como mediu d'espresión y de comunicación. 
• Desarrollar la coordinación motriz al traviés de la música y del movimientu. 
• Conocer los instrumentos musicales.
• Orientar preferencies para la escoyeta instrumental dempués. 

Los conteníos básicos sedrán estos:

• Espresión corporal. 
• La espresión vocal. 
• Audición musical.
• Los instrumentos musicales.
• El ritmu.
• Les cualidaes del sonidu.
• Improvisación musical.

Calendariu d'actuaciones

- Preinscripción: del 15 de xunetu al 10 de setiembre de 2024.

- Publicación del llistáu provisional de persones almitíes: 12 de setiembre de 2024.

- Tiempu d'alegaciones, per aciu d'un corréu electrónicui a la dirección conavile@educastur.org : 12 y 13 de setiembre de 2024.

- Publicación del llistáu definitivu de persones almitíes: 17 de setiembre de 2024.

- Tiempu p'apuntase: del 17 al 23 de setiembre de 2024.

- Publicación del llistáu provisional de persones almitíes y asignación de grupu y horariu: 25 de setiembre de 2024.

- Plazu d'alegaciones y solicitúes de cambiu de grupu, con envíu de corréu electrónicu na direición conavile@educastur.org: 25 y 26 de setiembre de 2024.

- Publicación del llistáu definitivu de persones almitíes y asignación de grupu y horariu: 27 de setiembre de 2024.