Contacto

La banda de Música d'Avilés ye una de les animadores de les fiestes de San Agustín, y esti sábadu, 27 d'agostu va dar un conciertu na plaza España, estrenando dos obres. Una con temática celta, "Highlights from Brave", y una versión mui especial de la conocida "Despacito". Sedrá a les 12.30 hores. 

Un conciertu que promete muncha animación, y que convidará al públicu a participar y baillar, cola direición de Xuacu Llaneza, cola participación d'alredor de 30 músicos. 

Sorpreses musicales para tolos gustos, amás de les nueves canciones que prepararon con ciñu, d'estilos tan diversos como'l celta y el llatinu, nun estrenu que yá ye una costume, como se pudo disfrutar nel conciertu que dieron nel parque'l Muelle.

Amás, la banda pondrá güei mesmo'l so sellu musical nes places y cais del centru históricu de la ciudá  nestos díes festivos, con un pasacais bien animáu que va entamar a les 20.30 hores.