![](/documents/20124/4769744/casa+de+mu%C3%B1ecas.jpg/a2b7660e-904f-e961-5c6f-8f734304c57e?t=1715599402464)
Casa de muñecas
Reunión del Club de Llectura de la Biblioteca Bances Candamo
Casa la Cultura
Martes, 28 de febreru
17:00 hores
El Club de llectura de la Bibloteca Bances Candamo aconcéyase pa comentar Casa de muñeques d'Henrik Ibsen. Sedrá'l martes 28 de febreru, a les 17 hores na Casa la Cultura.
Casa de muñeques ye una obra de teatru estrenada en 1879 en Copenhague, que provocó munchu alderiques na so época pol tema que trata. La obra pon n'entredichu'l prestixu de la familia, finxu de la sociedá de lo cabero del sieglu XIX y pegoyu onde se posaba tol ordenamientu xurídicu tradicional y les sos consecuencies económiques, sociales y morales, col predominiu del home como representante de l'autoridá divina na casa. Ta considerada pola crítica como la primer obra teatral dafechu feminista, magar qu'Ibsen dixo que nun se decatare de trabayar polos derechos de les muyeres, sinón polos derechos humanos.
Henrik Ibsen foi un dramaturgu y poeta noruegu, consideráu'l padre del drama realista modernu y antecedente del teatru simbólicu. Les sos obres, calificaes como escandaloses na so época al cuestionar el modelu de familia y de sociedá dominantes, tovía tienen sentidu nesti momentu y siguen representándose anguaño. Representóse la primer vez en 1851 en Cristianía una de les sos obres, La tumba del guerreru, a la que-y siguieron otres como Espectros (1881), Un enemigu del pueblu (1882), El patu silvestre (1884), La dama de la mar (1888), Hedda Gabler (1890) o Al despertar de la nuestra muerte (1899), coles qu'algamó reconocencia internacional.
-
Deportes
-
Tu Ayuntamiento06 septiembre 2024
-
Cultura06 septiembre 2024
-
Educación