Contacto

En collaboración cola Federación Española d'Universidaes Populares (FEUP), al traviés del programa pal desendolcu d'actividaes d'interés xeneral consideraes d'interés social 0,7 (añu 2021), la Factoría Cultural d'Avilés, va dar el vienres 4 de payares el taller "Tetru musical" que ye de baldre. 

L'oxetivu principal d'esti taller ye puxar pola creatividá de los sos participantes, sobre too polo que valen pal arte. 

Hai 15 places y hasta'l 3 de payares tá abiertu'l plazu p'apuntase. Puede facese llamando al númberu 985548617, presencialmente na Factoría Cultural d'avilés (Avenida de Portugal, 13) o mandando un corréu electrónicu a ssanchezp@aviles.es, dando'l nome y apellíos, númberu de teléfonu y DNI. 

Conteníos y horarios

Sedrán 76 hores llectives. 5 horas d'ensayos con una representación pa terminar el cursu. 20 xornaes de trabayu. Dende'l 04 de payares de 2022 hasta'l 22 d'avientu de 2022. L'horariu sedrá llunes, martes y xueves de 09:30 a 13:30 hores.

Bloque 1. La danza aplicada al teatru. (15 hores llectives)

Profesora: Myriam Chamorro.

Exercicios de preparación física y fuerza muscular. Conciencia corporal: control de cambios de pesu en movimientu. Desendolcu d'una bona coordinación de piernes y brazos, cabeza y pechu, aplicando exercicios basaos na danza clásica. Entamando cola técnica propia de la disciplina artística de danza clásica y del vocabulariu aplicáu a ella. Bon usu del espaciu disponible dependiendo del momentu y y del sitiu: escenariu y compañeros. Preparación d'una coreografía.

Bloque 2. Interpretación. (30 hores llectives).

Profesora: Aida Valladares Parapar.

Ferramiente básiques interpretatives. Cómo analizar un testu dramáticu. Esplorar les posibilidaes del  nuestru cuerpo y del so movimientu. Creación d'un personaxe, busca de la so esencia y rasgos carauterísticos, tantu a nivel corporal como sicolóxicu. Cómo enfrentase y memorizar un testu. Representación final.

Bloque 3. Téuniques vocales. (16,5 hores llectives).

Profesora: María Elena Baigorri Sáenz.

Téuniques vocales enfocaes a la proyeición y colocación de la voz, lo mesmo falada que cantada. Salú vocal y interpretación.

Bloque 4. Xestión emocional. (10 hores llectives).

Profesor: Marc Nef.

Xestión emocional. Mente y cuerpu. Exercicios práuticos sobre los mecanismos del pensamientu, l'atención, la relaxación, la meditación y movimientos conscientes aplicaos al procesu de creación d'una obra teatral.