![](/documents/20124/8524003/a5_XUGUETES_page_resized.jpg/79630293-1033-ec05-346b-1fd676b932e8?t=1696506040197)
Na Igualdá Nun Quedes Fuera Xuegu
Esta campaña ta plantegada pa que s'use en centros educativos, deportivos, etc, col envís de puxar pola igualdá usando l'asturianu como llingua vehicular, con mensaxes empobinaos a la non discriminación nos xuegos y xuguetes.
Pa ella, creóse un decálogu que dende los diferentes Servicios de Normalización del Principáu d'Astuires, consideróse importante pa dir avanzando nestes cuestiones; cuestiones, que munches vegaes, escacemos les persones adultes.
Ta pensada pa que s'impriman carteles grandes, mupis, vinilos, etc que pudan tar puestos nesti tipu espacios, pa que les persones qu'usen estos espacios puedan lleelos fácilmente.
El decálogu ye ésti:
- Neños y neñes deprenden xugando. Los xuegos tienen que ser espontáneos y llibres, ensin que pensemos qu'hai xuguetes pa neños y xuguetes pa neñes; nun-yos metas tú esa idea enquivocada na cabeza.
- Nun hai colores pa neños y colores pa neñes. Somos nós quien tenemos qu’escoyer los colores; nun nos pueden escoyer ellos a nós.
- Toles persones somos iguales al empar que somos diferentes y asina debemos escoyer xuguetes qu’espeyen esta diversidá.
- Xugando tamién deprendemos y educamos. Hai qu’escoyer xuguetes seguros, que vaigan cola edá y que tean llibres de prexuicios sexistes.
- Tenemos d'escoyer xuguetes que xunan a los neños y a les neñes; esto ye, que-yos faigan cooperar y compartir espacios, tamos enseñándo-yos a construir un mundu más llibre y igual.
- Regala xuguetes que dean puxu a toles capacidaes y habilidaes personales de neñes y neños.
- Busca xuegos y xuguetes que potencien la igualdá na participación y el desarrollu de sentimientos y afectos ensin dixebrar neños y neñes.
- Evita xuguetes, xuegos y videoxuegos violentos. Educa pa que resuelvan los problemes de forma positiva, constructiva y creativa.
- Busca llibros, xuegos videoxuegos y xuguetes nos que tean presentes neños y neñes.
- Denuncia la publicidá sexista. Munches veces la publicidá muestra imaxes y valores bien distintos a los que queremos enseña-yos.
Facilítase un pdf pa poder descargar el material.
Na Igualdá Nun Quedes Fuera Xuegu |
-
Cultura
-
Urbanismo, Licencias y Normativa
-
Conoce Avilés