Visites Teatralizaes pel Parque Ferrera

Información

Esta actividá organízase dende l'añu 2018 y xurde como collaboración ente la Estaya de la Llingua y el CEIP La Carriona-Miranda, una de les 6 escueles pilotu n'Asturies del cursu escolar 2017-2018 pa usar l'asturianu como llingua vehicular. 

Anguaño podemos considerala una campaña bien afitada na comunidá escolar que ta dientro l'axenda de la Conceyalía d'Educación y que s'ufierta a los diferentes centros educativos de la ciudá. 

Les visites teatralizaes corren a cargu d'actores y actrices profesionales d'Asturies que, como si fuera un xuegu, expliquen la historia'l parque Ferrera, del xardín francés y de los exemplares más representativos y importantes de la cultura asturiana que tien el parque, sobre too texos, carbayos, ablanos, fayes o castañales.

Calendariu de Visites 2024

Día 29 d'abril
- 10:30 El Quirinal (32) y Versalles (18)
- 12:00 El Quirinal (43)

Día 30 d'abril
- 10:30 Poeta Juan Ochoa (43)

Día 6 de mayu
- 10:30 La Carriona (35)
- 12:00 Enrique Alonso (48)

Día 8 de mayu
- 10:30 Palacio Valdés (47)

Día 10 de mayu
- 10:30 Salesianos (50)
- 12:00 Luisa de Marillac (32)

< Volver