Contacto

La conceyalía de mayores y Ciudá Saludable vuelve otra vegada más a presentar el so programa "Ximnasia nos parques", una inicitiva que puxa pola actividá física al aire llibre ente les persones mayores de 50 años, fomentando vezos y costumes de vida saludable nun entornu natural. Sedrá los martes y xueves de mayu as agostu nos parques biosaludables, Les Meanes/Las Meanas, Llaranes, L'Alfaraz y el Pozón.  

Entama'l xueves 8 de mayu dende les 10:00 a 11:00 hores nos parques de Les Meanes/Las Meanas, Llaranesa, L'Alfaraz y el Pozón. Nel casu de Versalles, l'actividá fadráswe una hora enantes, de 9:00 a 10:00 hores. la participación, como siempre, sedrá de baldre. Lo único que se pide ye qu'hai d'apuntase primero nel sitiu onde se fai l'actividá, el día qu'entama, hasta que se llene.

Lo mesmo que nel branu pasáu, cada grupu tendrá como muncho 25 persones en cada sitiu. Na edición anterior participaron un total de 103 persones. 

Ta conducíu por un grupu monitores con formación n'actividá física, "Ximnasia nos Parques" propón sesiones d'exerciciu físicu suave, adautáu a lo que puedan facer les persones que tán nos grupos, pa prevenir la erda de masa muscular, el fortalecimientu de les articulaciones y l'aumentu de la capacidá respiratoria. Tamién, promueve'l bon usu de los equipamientos qu'hai nesos parques biosaludables, puxar pol so usu y disfrutar d'una forma activa.

La evidencia científica afita tolo bono que ye l'exerciciu físicu a lo llargo'l Ciclu Vital. Ye una de les meyores coses pa tar bien y nun tomar medicamentos pa tol mundu. 

Poro,  dende los Programes de Salú de la Conceyalía de Ciudá Saludable del Conceyu d'Avilés inténtase facer actividaes tol añu pa puxar pol exerciciu físicu al aire nos aparatos y zones qu'hai nos parques biosaludables.