Nel añu 2006 aprobábase'l I Plan Integral pa la Infancia y l'Adolescencia del Conceyu d'Avilés. Entós daquella 26 téuniques y téunicos de distintos servicios municipales (Servicios Sociales, Mocedá, Deportes, Educación, Salú…) y de diverses entidaes que trabayaben cola infancia del Conceyu, axuntáronse dacuando para la ellaboración dialogada del mesmu. 

Redactáronse más de 200 midíes y entamaron a ponese en funcionamientu  pa dar cumplimientu a los oxetivos plantegaos, siempres empobinaos a la prevención, proteición y promoción de la Infancia avilesina y de los sos Derechos.

Dende entós afitóse la collaboración ente servicios del Conceyu rellacionaos cola infancia pa cumplir dafechu estes midíes, y tamién se dio contestación d'una manera efectiva a unu de los planteamientos básicos del Plan: “la necesidá de promover espacios de participación pa neños y neñes pa que se pueda oyer la so voz nel ámbitu públicu, pa que se respeten les sos decisiones y se tenga en cuenta lo que piensen pa poder estudiar asina lo que se va facer y la programación pal futuru”. 

Una de les midíes qu'entamó col I Plan foi la creación de grupos de participación infantil que darréu diba ver cómo ye la so influyencia nes polítiques llariegues pa la infancia cola creación del Conseyu Municipal d'Infancia y Adolescencia en 2010.

Evolución de los Planes pa la Infancia

		IV Plan pa la Infancia +Más Información
		III Plan pa la Infancia +Más Información
		II Plan pa la Infancia +Más Información